置業懶人包 – 律師費&經紀佣金

 

打工仔十個有九個都想買樓,擁有有自己嘅屋企,每日優哉悠哉,應該係好多人嘅夢想生活。如果你已經儲左筆錢,打算上車,提提你要記得除左印花税之外,買樓時仲要考慮埋其他開支,好似律師費,經紀佣金咁。

 

律師費:

 

買樓一般會涉及買賣合約、樓契及按揭契,三份主要法律文件,律司費用大概為數千元或以上,律師費多寡視乎物業成交價及樓齡等因素而定,如果物業樓齡太舊,或好似村屋涉及地權問題,律師需翻查嘅資料會比較多,處理嘅法律問題會較複雜,律師費用有機會高啲,而按揭契律師費則根據貸款額計算。如果未有相熟律師,可請地產代理介紹查詢收費詳情。

 

地產經紀佣金︰

 

如果物業買賣係透過地產經紀促成交易,當中會涉及佣金費用,佣金費用會由買賣雙方各自向經紀繳付,目前法例冇規定地產代理所收取嘅佣金金額或比率,如果你想入巿一手新樓盤,佣金通常由發展商繳付。

 

買樓唔同買模型,買完又要供,可以話係個長遠嘅承諾,所以除左考慮價錢,仲要考慮各種因素、長遠嘅回報等等。所以喺選擇上車前,不妨參考多啲唔同意見,三思而行,咁就唔會揀錯啦。

Whatsapp聯絡客戶服務